भांगरभूंय | प्रतिनिधी
पणजी: आपल्या साहित्यांतल्यान गांवगिरी जीण वाचकां मुखार मांडपी प्रकाश पर्येंकार हांचो ‘वर्सल’ हो कथा संग्रह आयज, 30 जूनाक प्रकाशीत जातलो. गोंयचे राज्यपाल पी. एस. श्रीधरन पिल्लय हांचे हस्तुकीं ह्या पुस्तकाचें प्रकाशन जातलें.
विद्यापीठाच्या 38व्या स्थापने दिसा निमतान जावपी हे कार्यावळीक माचयेर विद्यापीठाचे कुलगुरू प्रो. हरीलाल मेनन, कुलसचीव विष्णू. नाडकर्णीं आनी खासा आमंत्रीत ज्ञानपीठ पुरस्कार फावो जाल्ले जेश्ठ साहित्यीक दामोदर मावजो हाजीर रावतले.
ही कार्यावळ गोंय विद्यापीठाच्या ई- ब्लॉक, कॅमिस्ट्री ऑडिटोअरीयमांत सकाळच्या 10.30 वरांचेर जातली. हें पुस्तक जाग प्रकाशनान प्रकाशीत केलां. पर्येंकार हांचीं दवरणें, इगडी बिगडी तिगडी था, कोल्याचीं नाडेपेन्नां, आमचे आमी, म्हादय: काळजांतल्यान कागदार आनी पुरण कादंबरी हीं पुस्तकां प्रकाशीत जाल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
