भांगरभूंय | प्रतिनिधी
पणजी : कर्नाटकांत काँग्रेसचें सरकार स्थापन जाले उपरांत मंत्रीमंडळाचे पयलेंच बसकेंत म्हादय प्रकल्पां खातीर 500 कोटी मंजूर करतले. ते भायर ह्या प्रकल्पा खातीर तीन हजार कोटींची तजवीज करतले, अशी हमी काँग्रेसीचे राज्यसभा खासदार रणदीप सुरजेवाला हांणी कर्नाटकांतले एके सभेंत उलयतना दिली.
कर्नाटकांतल्या हुबळी, धारवाड, बेळगांव ह्या कांय जिल्ह्यांतल्या लोकांक पियेवपा खातीर आनी शेता खातीर उदक उपलब्ध करून दिवपाक काँग्रेसीन म्हादय प्रकल्पाची बुन्याद घातल्या. 2010त हे विशीं जल तंटा वाद लवादायीच स्थापणूक केली. ताचे आदीं केंद्रांत वाजपेयी हांच्या फुडारपणा खाला भाजप आघाडी सरकार आशिल्लें. पूण त्या सरकारान प्रकल्प आडायिल्लो, असो दावो सुरजेवाला हांणी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
