भांगरभूंय | प्रतिनिधी
पेडणें: पेडणेंचे उपनिरिक्षक विवेक हळदणकार हांच्या फुडारपणा खाला पुलीस पंगड गस्त घालतना 27 जुलयाक बेकायदो येरादारी करपी सुमार 30 हजारांचो सोरो जप्त केलो.
पोरस्कड्यां तपासणी नाक्याचेर आडायिल्ले एमएच 04 बीडब्ल्यू 9235 नंबराचे चारचाकी गाडयेंतल्यान हो सोरो व्हरताले. ह्या सोऱ्यांत ऑफिसर चॉयस विस्कीच्यो 384 बाटल्यो (दर बाटली 180 मिली, मोल 17011 रुपया) आनी रॉयल ब्रॅण्ड 48 बाटल्यो (दर बाटली 180 मिली, मोल 1248 रुपया) आशिल्ल्यो. पुलिसांनी हो वट्ट 30 हजार 739 रुपयांचो सोरो जप्त केलो.
वाहनचालक रोहीत दत्ता साळगांवकार (कुळगांव भोम सावंतवाडी सिंधुदुर्ग) हाका ताब्यांत घेवन पेडणें अबकारी अधिकाऱ्यां कडेन दिलो. फुडली कारवाय अबकारी विभाग करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
