भांगरभूंय | प्रतिनिधी
भांगरभूंय । प्रतिनिधी
पणजीः गोंय पुलिसांच्या गुन्यांव फाट्यान पर्वरे एका नामनेच्या हॉटेलाचेर छापो घालून थंय सुरू आशिल्लें आयपीएल बेटींग उक्ताडार हाडलें. ह्या प्रकरणात ठाणे- महाराष्ट्र हांगच्या सुनील धनुका (27), विजय मोटिजा (27), हिरो उदासी (37) आनी अनिला रोछानी (51) हांकां अटक करून तांचे कडेन आशिल्ले रोख 1.25 लाख आनी 60 हजार रुपया मोलाचें जुगार सामग्री जप्त केली.
पर्वरेच्या संबंदीत हॉटेलांत गुजरात टायटन्स आनी राजस्थान रॉयल्स हांचे मदीं मंगळारा सुरू आशिल्ले आयपीएल मॅचीच्या वेळार बेटींग घेवपाचें काम चल्लां तशेंच थंय ऑनलानय जुगार खेळ चल्ला अशी म्हायती गुन्यांव फाट्याक मेळटकूच पुलीस पंगडान रातीं 10 तें 11 मजगतीं छापो घातलो. ह्या कारवायेंत चार जाणांक अटक करून लॅपटॉप, मोबायल जप्त केले. जुगार प्रतिबंदक कायद्या खाला तांचेर गुन्यांव दाखल केला. उपरांत ताकां 10 हजाराचो जामीन आनी हेर अटी घलून जामिनाचेर सोडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
