भांगरभूंय | प्रतिनिधी
भांगरभूंय । प्रतिनिधी
पणजीः गोंयांतल्यान गुजरातांत तस्करी करपाच्या यत्नांत आशिल्लो 12 लाखांचो सोरो गुन्यांव फांट्यान पत्रादेवी तपासणी नाक्याचेर धाड घालून जप्त केली. ह्या प्रकरणांत नरुल होडा खान (33, उत्तर प्रदेश) ह्या चालका सयत ट्रक ताब्यांत घेतला. गुन्यांव फांट्यान दिल्ले म्हायती प्रमाण पत्रादेवी तपासणी नाक्या वयल्यान व्हड प्रमाणाचेर सोऱ्याची तस्करी जावपाची आशिल्ल्याची म्हायती गुन्यांव फांट्याक मेळिल्ली. हे म्हायतीच्या आदारान पुलीस अधिक्षक शोबीत सक्सेनाच्या मार्गदर्शना खाला पुलीस निरिक्षक नारायण चिमुलकार, पुलीस उपनिरिक्षक गिरीश पाडलोस्कार, पुलीस हवालदार संजय पेडणेंकार, उमेश देसाय, इर्शाद वाटांगे, पुलीस काँन्स्टेबल रूपेश गायकवाड, कल्पेश तोरस्कार, विनायक सावंत आनी हेर पंगजान बिरेस्तारा फांतोडेर 6 ते सकाळीं 10.40 वरां मजगतीं पत्रादेवी नाक्याचेर सांपळो रचलो. ह्या वेळार जीजे 18 एजे 0427 नंबराचो ट्रक थंय आयलो. ह्या वेळार पंगडान त्या ट्रकाची तपासणी केली. तातूंत गोंयांतल्यान 12 लाख रुपयांचो सोरो तस्करी करतात, अशी म्हायती मुखार आयली. ते उपरांत पंगडान ट्रक आनी चालकाक ताब्यांत घेवन चवकशी सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
