भांगरभूंय | प्रतिनिधी
भांगरभूंय । प्रतिनिधी
पणजीः अहमदनगरचें दत्त देवस्थान संचलीत वेदशास्त्र परिरक्षण परिशदेच्या न्याय वेदांत परिक्षेंत गोंयांतले चार विद्यर्थी पास जाल्यात. तातूंत दोन विद्यार्थिनी आनी दोन विद्यार्थ्यांचो आसपाव आसा. विशेश म्हणल्यार चलयांनी पयलेच फावट ही परिक्षा दिल्ली. पांच विद्यार्थ्यांनी ही परिक्षा दिल्ली.
कल्याणी हर्डिकर, ऋतुजा सावयकार, सुब्रह्मण्यम मंजुनाथ होळ्ळा आनी प्रियव्रत पाटील अशी पासा जाल्ल्या विद्यार्थ्यांची नांवां आसात. ते सांगें तालुक्यांतल्या रिवण हांगच्या श्रीविद्या पाठशाळेंत शिकतात. जगद्गुरू शृंगेरी शंकाराचार्या स्वामी कडेन जावपी फायनल परिक्षेंत पयलेच खेप चलयांनी परिक्षा दिल्ली. ताचे कामगिरीचेर स्वामींनी खोस उक्तायल्या.
दत्त देवस्थाना वतीन 2013 साव ही परिक्षा घेतात. ह्या वेळार न्याय वेदांत व्याकरण मिमांस तशेंच गणित बिशयांतले परिक्षेचें आयोजन केल्लें. गुरू वांगडा पुराय वेळ रावंन शास्त्राचो अभ्यास करपीच विद्यार्थी ही परिक्षा दिवपाक शकतात. दर स म्हयन्यांनी परिक्षा घेतात. अश्यो 14 परिक्षा दिवपाची गरज आसता. तोंडी आनी लेखी अशें परिक्षेंचें स्वरून आसता. व्याकरण विशयांत 8, मिमांतात 9, वेदांतात 12 आनी गणितातंत 13 ग्रंथाचो आसपाव आसता.
परिक्षे वेळार दत्त देवस्थानाचे मुख्य विश्वस्त संजय क्षीरसागर हाजीर आशिल्ले. संस्थेचे संस्थापक गुरुदेव क्षीरसागर महाराज हाच्या जल्मदिसा पास जाल्ल्या विद्यार्थ्यांक प्रमाणपत्रां दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
