भांगरभूंय | प्रतिनिधी
भांगरभूंय प्रतिनिधी
सांगेंः नेत्रावळी प्रीमियर लीग क्रिकेट सर्तीचें उक्तावण तृणमूल काँग्रेस पक्षाची फुडारी राखी नायक प्रभुदेसाय हांचे हस्तुकीं जालें. सर्तींतल्या जैतिवंत पंगडाक 80 हजार रुपये, उपजैतिवंताक 40 हजार, मॅन ऑफ दी सिरिज खातीर 10 हजार आनी मॅन ऑफ दी मॅच खातीर 5 हजार रुपयांचें इनाम आसात. सगली रोख इनामां राखी नायक प्रभुदेसाय हिणे पुरस्कृत केल्यांत.
सांगे तालुक्यांतल्या गांवगिऱ्या वाठारांतल्या तरनाट्या क्रिकेट खेळगड्यांक क्रिकेटचो सराव करपाक संद मेळची असो आमचो यत्न आसा. नवोदीत खेळगड्यांक क्रिकेट सर्तींत खेळपाची संद मेळची हे खातीर ही नेत्रावळी प्रीमियल लीग सर्त आयोजीत केल्या अशें सर्तीचें उक्तावण केल्या उपरांत राखी नायक प्रभुदेसाय हिणे सांगलें. नेत्रावळी हांगच्या मैदानार ही सर्त जाली, 30 एप्रीलाक तिची फायनल जातली अशें आयोजक अमीत नायक हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
