भांगरभूंय | प्रतिनिधी
भांगरभूंय I प्रतिनिधी
पणजी : गोंय माध्यमीक अानी उच्च माध्यमीक मंडळा वतीन घेवपी धावेची, बारावेची आनी वेवसायीक फांट्याची सत्र परिक्षा 10 नोव्हेंबरा सावन सुरू जातली. हे विशींची अधिसुचोवणी संबंदीत शाळांक धाडल्या. तशेंच मंडळाच्या अधिकृत वेबसायटीचेरूय उपलब्ध आसा.
मंडळा वतीन फाटल्या वर्साच्यान सत्र स्वरूपांत परिक्षा घेतात. धावेची आनी बारावेची परिक्षा 10 नोव्हेंबर सावन जाल्यार वेवसायीक फांट्याची परिक्षा 11 नोव्हेंबरा सावन सुरू जातली. धावेची 29 नोव्हेंबर, बारावेची 25 नोव्हेंबर जाल्यार वेवसायीक फांट्याची परिक्षा 23 नोव्हेंबर मेरेन चलतली.
धावेचे परिक्षे खातीर राज्यांत वट्ट 35 केंद्रां निश्चीत केल्यात. हातूंत उर्दू माध्यमा खातीर विशेश 4 केंद्रांचोय आस्पाव आसा. बारावेच्या परिक्षे खातीरची केंद्रां आनी उपकेंद्रां संबंदीत शाळांक कळयतले, अशें अधिसुचोवणेंत नमूद केलां.
सगले पेपर दनपारां 2.30 ते 4.30 ह्या वेळांत जातले. विद्यार्थ्यां परिक्षा केंद्रांचेर अर्द वर आदीं पावचे, अशी सुचोवणी केल्या. विद्यार्थ्यांनी एक वर परिक्षा कुडींत बसप सक्तीचें, अशें सांगलां. दोनूय सत्रां खातीर प्रात्यक्षीक परिक्षा 1 मार्च 2023 पसून घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
