भांगरभूंय | प्रतिनिधी
भांगरभूंय । प्रतिनिधी
काणकोणः कोरोना उपरांत सुमार दोन वर्सांनी काणकोण तालुक्यांतल्या दर्या वेळांनी विदेशी काराव्हॅनांचें आगमन जालां. दुबय, इटली, फ्रान्स, जर्मनी, बेल्जियम हांगची ही काराव्हॅन आसात. आगोंद दय्या वेळेर धा परस चड काराव्हॅनानी विदेश पर्यटक आयल्यात. तांच्या वांगडा तांची भुरगीं, पोशिल्लीं जनावरां आसात. तांचो राबितो सुमार फुडले दोन म्हयने तरी आसतलो अशी म्हायती मेळ्ळ्या.
ह्या पर्यटन व्हॅनांत घरांत आसा ती सगळी सुविधा आसा. टॉयलेट, वॉटर फिल्टर, बेडिंग, पॉवर बॅक अप,. एके व्हॅनींत पांच ते धा जाण रावपाक शकतात. हे विदेशी पर्यटक काराव्हॅनीत रांदतात. आगोंदा तांणी नाताळ मनोवन नव्या वर्साक येवकार दिलो.
वाघा बॉर्डरी हुपून पाकिस्तानांतल्या आमी भारतांत आयलीं. गोंयांत आमी सुमार दोन म्हयने रावतीं अशें फ्रान्सांतल्या आपल्या दोग भुरग्यां सयत आयिल्ल्या कुटूंबान सांगलें. पूर्व आनी दक्षीण भारतांत भोवपाचो तांचो विचार आसा. आगोंद पंचायत ह्यो काराव्हॅनी दवोरपा खातीर कर लागू करता. आगोंद दर्या देगेर आशिल्ले व्हाळ न्हंयेत हे पर्यटक घाणयारें उदक सोडटात अशी कागाळ थळाव्या लोकांनी दोन वर्सां आदीं केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
