भांगरभूंय | प्रतिनिधी
भांगरभूंय । प्रतिनिधी
दिवचलः आत्मनिर्भर भारताचें सपन खरें करपी सरकार देशांत कार्यरत आसा. जायत्यो कल्याणकारी येवजण्यो प्रधानमंत्री नरेंद्र मोदी हांणी चालीक लायल्यात. तांचे मुत्सद्दीपणाक लागून संवसारांत ताचें प्रस्थ वाडला. देश पयलो ह्या भाजपाच्या तत्वान ते लोक समृद्धी खातीर वावुरतात अशें प्रदेश भाजपा अध्यक्ष सदानंत शेट तानावडे हांणी मयें मतदारसंघात आयोजीत केल्ल्या भाजपा मेळाव्यांत मार्गदर्शन करतना सांगलें,
मेळाव्याक मंत्री नीळकंठ हळर्णकार, आदलो आमदार दयानंद सोपटे, भाजपा मंडळ अध्यक्ष दयानंद कारबोटकार, प्रेमानंद म्हांबरे, महेस सावंत, शंकर चोडणकार, अंकिता न्हावेलकार, सीमा आरोंदेकार, मयें मतदारसंघांतले सरपंच आनी पंच हाजीर आशिल्ले. केंद्रांतल्या आनी गोंयांतल्या भाजपा सरकारान तिनशें परस चड सोक कल्याणकारी येवजण्यो चालीक लावून लोकांची जीण समृद्ध करपाक व्हड योगदान दिलां अशें थिवीचो आमदार आनी मंत्री नीळकंठ हळर्णकार हांणी सांगलें.
प्रेमानंद म्हांबरे, दयानंद सोपटे, आरती बांदोडकार, शंकर चोडणकार, महेश सावंत, दया कारबोटकार हांणी नरेंद्र मोदी हांणी फाटल्या आठ वर्सांत केल्ल्या वावराचो नियाळ घेतलो. गोंयचे उदरगती खातीर केंद्र आनी राज्य सरकारान एक दिका दिल्या आनी सेवाभावी येवजण्यांतल्यान समृद्धीकडेन वाटचाल सुरू केल्या अशें मयेंचो आमदार प्रेमेंद्र शेट हांणी सांगलें. मेळाव्याक भाजपा कार्यकर्ते व्हडा संख्येन हाजीर आशिल्ले. विश्वास चोडणकार हांणे मेळाव्याचे सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
