भांगरभूंय | प्रतिनिधी
भांगरभूंय । प्रतिनिधी
केरी-सत्तरीः देवस्थानांक लागून लोका आपापसांतले मतभेद विसरून एकठांय येतात. सामाजीक आनी सांस्कृतीक उदरगतीचें काम देवस्थानांच्या माध्यमांतल्यान जाता अशें मुख्यमंत्री डॉ प्रमोद सावंत हांणी सांगले. साखळी मतदारसंघात तीन फावट वेचूं येवंन दोन फावट मुख्यमंत्री जाल्ले खातीर भंडारवाडो- साखळेच्या श्री भूमिका तोणयेश्वर मंडळा वतीन तांचो भोवमान केलो. त्या वेळार ते उलयताले.
तोणयेश्वर मंडळा वतीन शिगमोत्सव मंडपात वर्सुकी उत्सवा निमतान आयोजीत केल्ले हे कार्यावळींक साखळे पालिका मंडळाचो नगराध्यक्ष राजेश सावळ, हाजीर आशिल्ले. मंडळा वतीन शाल, श्रीफल आनी यादस्तीक भेटोवन मुख्यमंत्र्यांचो भोवमान केलो. तशेंच वॉर्ड नगरसेवक आनंद काणेकार आनी मंडळाचो वांगडी विजय दत्तराराम नायक हांचोय भोवमान केलो. लोकांच्या तेक्याक लागून आपूण सेगीत तीन फावट वेंचून येवपाक शकलों अशें सावंत हांणी सांगलें.
मुख्यमंत्री सावंत हांणी तोणयेश्वर मंडळाची नवी समिती जाहीर केली. ती फुडले भशेन आसा- अध्यक्ष – सुरेंद्र शांताराम भजे, उपाध्यक्ष – नितिकेश संतोष पार्सेकार, सचीव – रोहन राजेश साखळकर, उपसचीव – रुद्रेश उमेश मांद्रेकार, भांडारी – शुभम अशोक भामईकार, जोड भांडारी – धीरज आनंद नायक, कार्यकारी वांगडी – श्याम जगन्नाथ मांद्रेकार, नारायण कुशा नानोडकार, दीपराज राजेंद्र भजे, आनंद कालिदास भजे, संयोग संतोष साखळकार. सल्लागार समिती – वासुदेव लक्ष्मण भजे, सदानंद शाणू पेडणेकार, शिवाजी शांताराम भजे, दिगंबर लक्ष्मण भजे, राजन श्रीधर नानोडकार, परेश दिनकर साखळीकर, दत्ता राजाराम कारबोटकार, प्रकाश कुष्टा पार्सेकार.
दिगंबर भजे हांणी मुख्यमंत्र्याचेर आधारीत “राजयोग” ही कविता सादर केली. परेश साखळीकारान उपकार मानले. रातीं नाट्य प्रयोग जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
