भांगरभूंय | प्रतिनिधी
भांगरभूंय । प्रतिनिधी
सावयवेरेंः दिल्लींत राष्ट्रीय पांवड्यार जावपी 9 खेळगड्यांच्या दादल्यांच्या लेदर बॉल क्रिकेट सर्तींत वांटेकार जावपा खातीर गोंयचो पंगड हालींच दिल्लींत गेलो. सर्त दिल्लींतल्या कांझवाला क्रिकेट मैदानार 27 तें 29 जुलय मजगतीं जातली.
गोंयच्या पंगडांत आर्यन खुटकार(कॅप्टन), रामानंद सतरकार, सचीन पांसेकार, रुशील वेलिंगकार, विवान शिंदे , अमेय सावंत, स्मृतन फळदेसाय, केशल गावडे, आशिष सूर्लकार, प्रथमेश नायक, रेवत गावडे, आदित्य घाडी, सनी देसाय, आदित्य दलाल, अक्षय नायक ह्या खेळगड्यांचो आसपाव आसा. पंगड वेवस्थापक म्हणून गणेश सावंत आनी कोच म्हणून अनीश नायक गांवकार पंगडा वांगडा गेल्यात. लेदर बॉल क्रिकेट असोसिएशनाचो अध्यक्ष विराज भगत आनी सचीव प्रजेश परब हांणी पंगडाक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.