दामोदर उच्च माध्यमीक दोट्टी किताब

भांगरभूंय | प्रतिनिधी

खेळां आनी युवा वेव्हार खात्यान आयोजीत केल्ले विभाग चार 19 वर्सां पिराये सकयले चल्यांचे रस्सीखेच सर्तींत गुडी-पाड्डेच्या दामोदर उच्च माध्यमीक विद्यालयान वस्तादपण जोडलें. फायनलींत ताणें वजनगाळ-शिरोडेंच्या एव्हीएमपीएस उच्च माध्यमिकाक 2-0 अशा फरकान हारयलें.

चलयांच्या गटांत फायनलींत दामोदर उच्च माध्यमिकान कुडचडेंच्या सीटीएन उच्च माध्यमिकाक 2-0 अशा फरकान हारोवन दोट्टी किताब जिखलो.

सर्त बोरीमळ-केपेंच्या मैदानाचेर जाली. जैतिवंत चल्यांच्या पंगडाचें प्रतिनिधित्व पवन लमाणी, विकास लमाणी, झैन, फ्रान्सीस कोस्ता, कार्तिक पाटील, बिकी कर्केट्टा, जोसेफ त्रावासो, प्रितम कुमार, राज वर्मा हांणी केलें, जाल्यार चलयांच्या पंगडाचें नंदिता देसाय, मुस्कान शेख, कशिष गांवकार, दिव्यता गांवकार, ग्लिफा पिशोट, माया गांवकार, विधी गांवकार, मनिषा चौधरी, फातिमा कार्व्हालो हांणी प्रतिनिधित्व केलें.