भांगरभूंय | प्रतिनिधी
गुडी-पाड्डेंच्या दामोदर उच्च माध्यमीक विद्यालयान खेळां आनी युवा वेव्हार खात्यान आयोजीत केल्ले 19 वर्सां पिराये सकयले चल्यांच्या आंतर विभागीय फुटबॉल सर्तीचें वस्तादपण जोडलें.
धर्मापूर मैदानाचेर जाल्ले विभागीय फायनलींत ताणें नावेलीच्या रोझरी उच्च माध्यमिकाच्या पंगडाक 4-1 अशा गोल फरकांनी हारयलो. ह्या जैता सयत दामोदर उच्च माध्यमिकाचो पंगड राज्य पांवड्या वयले सर्तीक पात्र थारलो.
जैतिवंत पंगडा वतीन ओमकार गांवकारान दोन जाल्यार मिनेझीस आनी लिक्सन रिबेलो हांणी दरेकी एक गोल केलो. रोझरी उच्च माध्यमिका वतीन फ्रेझर फुर्तादोन एक गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
