दाबोळी विमानतळाचेर परतून अॅप टॅक्सी सेवा

भांगरभूंय | प्रतिनिधी

गोवा मायल्साची पर्यटना कडेन 25 वर्सां सेवेची कबलात

पणजी : थळाव्या टॅक्सीकारांंचो विरोध आसतना लेगीत दाबोळी विमानतळाचेर फुडल्या सप्तका सावन अॅप टॅक्सी सेवा सुरू जातली. पयलीच्याच गोवा मायल्साक अॅप सेवेचें कंंत्राट मेळटलें. गोंय खंंडपिठाच्या आदेशा प्रमाण अॅप सेवा सुरू जाता, अशें येरादारी मंंत्री मॉवीन गुदिन्हो हांंणी सांंगलें.
गोंयचे उदरगतीक आनी सुविधा खातीर नव्या तंंत्रज्ञानाचो वापर करचोच पडटलो. सध्याचे परिस्थितींत अॅप टॅक्सी सेवेक पर्याय ना. दाबोळी विमानतळाचेर गोवा मायल्स अॅप टॅक्सी सेवा सुरू आशिल्ली. ही सेवा बरी चलताली. पूण थळाव्या टॅक्सीकारांच्या विरोधाक लागून गोवा मायल्स कावंटर बंंद केल्लो. आतां हो कावंउंंटर फुडल्या सप्तकांत सुरू जातलो. ताका लागून आतां परतून दाबोळी विमानतळाचेर अॅप टॅक्सी सेवा सुरू जातली, अशें गुदिन्हो हांणी सांगलें.
हेर सेवांं परस गोवा मायल्स अॅप सेवा दर्जेदार आसा. ही सेवा बरी चलताली, अशें बऱ्याच प्रवाशांंनी सांंगलें. हाका लागून गोवा मायल्स अॅप टॅक्सी सेवा परतून सुरू जाता. दाबोळी तशेच हेर टॅक्सीकारांंनी गोवा मायल्स अॅप सेवेंत वांटेकार जावपाक हरकत ना. ‘प्री पेड’ जाय जाल्यार प्री पेड सेवा दिवची. ‘पोस्ट पेड’ जाय, जाल्यार पोस्ट पेड टॅक्सी सेवा दिवची. अॅप सेवेंत वांटेकार जावप हे टॅक्सीकारांंच्या हिताचें आसा. वांटेकार जावप ना, जाल्यार कितें निर्णय घेवचो तो तांंणी थारावचो, अशें गुदिन्हो हांंणी सांगलें.
अॅप सेवा खंंडपिठाच्या आदेशा प्रमाण
अॅप टॅक्सी सेवा बेगिनांत बेगीन सुरू करची, असो आदेश खंंडपिठान दिल्लो. ह्या आदेशा प्रमाण दाबोळी विमानतळाचेर अॅप टॅक्सी सेवा सुरू जाता. खंंडपिठाच्या आदेशाक सरकाराक पाळो दिवचोच पडटलो.
फुडाराक गोवा मायल्स सोडून हेर अॅप सेवा लेगीत राज्यांत येवप शक्य आसा. सध्या तरी फक्त गोवा मायल्साचो निर्णय जाला. गोवा मायल्स सेवेची पर्यटन खात्या कडेन 25 वर्सांची कबलात आसा. हाका लागून गोवा मायल्स अॅप सेवेक भायर उडोवप शक्य जावचे ना.
ओला आनी उबर सेवेचेर कर्नाटकान बंंदी घाल्या. ह्या सेवे मदीं कांय अंंतर्गत समस्या आसात. ओला उबर सेवे विशीं फुडारांत गोंय सरकार निर्णय घेतलें, अशें मॉवीन गुदिन्हो हांंणी सांंगलें.
विधानसभा वेंचणुके पयली टॅक्सीकारांंनी अॅप सेवेच्या विरोधांत आंंदोलन केल्लें. विधानसभेंत लेगीत अॅप टॅक्सी सेवेचेर चर्चा जाल्या. मुख्यमंंत्री तशेंच येरादारी मंंत्र्यांं कडेन अॅप टॅक्सी प्रस्नाचेर टॅक्सीवाल्यांंच्यो बसकाय जाल्यात.