भांगरभूंय | प्रतिनिधी
भांगरभूंय खबरांमेज
पणजी ः दर्जेदार शिक्षण आनी उत्तम संस्कार, नीतिमूल्यां आनी विंगडविंगड उपक्रमांची सांगड घालून विद्यार्थ्यांचो सर्वांगी विकास सादपा खातीर सुसज्ज आशिल्ली इंटरनॅशनल सद्गुरू गुरुकुलम ही निवासी शाळा नांवारुपाक येता.
शालेय शिक्षणा वांगडाच योग, संस्कृत, संस्कार, नीतिमू्ल्यां, बौद्धिक खेळ, उत्तम आचरण पद्दती आनी त्यागमय जीण हें मनीस जिणेचे उदरगतीचें पयलें सोंपण आसा. आयचे शिक्षण पद्दतींतल्या संस्कारांची उणीव भरून काडपा खातीर आनी विद्यार्थ्यांचो सर्वांगी विकास सादपा खातीर धर्मभूषण सद्गुरू ब्रह्मेशानंदाचार्य स्वामीजींचे दिव्य संकल्पनेंतल्यान इंटरनॅशनल सद्गुरू गुरूकुलम श्री क्षेत्र तपोभूमी, कुंडय, फोंड्यां सुरू जालां.
फाटल्या दोन-अडेज वर्सांच्या काळा उपरांत परत आॅनलायन चलतल्यो शाळा आतां आॅफलायन पद्दतीन सुरू जातात. 6 जूनाक इंटरनॅशनल सद्गुरू गुरुकुलमाचो विद्यारंभ जालो. सगल्या विद्यार्थ्यां कडल्यान सद्गुरू पुजन आनी सरस्वती पुजन जालें. सगल्या शाळांतल्या पालक आनी शिक्षक संघाचे वतीन विद्यार्थ्यांक येवकार दिलो. सगल्या शिक्षकांनी विद्यार्थ्यांक नव्या शिक्षणीक वर्साचीं परबीं दिलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
