भांगरभूंय | प्रतिनिधी
भांगरभूंय प्रतिनिधी
मुरगांवः करमळीच्या रारारीरी महाकाल क्रिकेट पंगडान बी एम ब्रदर्स पंगडाक 9 विकेटीनी हारोवन वस्तादपण मेळयलें. तांकां इनाम म्हणू रोख रकक्म आनी करंड भेटयलो. रारारीरी महाकाल आनी सुभद वॉरियर्स हांणी करमळी मैदानार ही सर्त आयोजीत केल्ली.
फायनलींत महाकाल पंगडान टॉस जिखून फिल्डींग घेतली. बी एम ब्रदर्स पंगडान तांचे 5 ओव्हरींत 5 बाद 53 धांवड्यो केल्यो. संतोष आनी विशांत हांणी दरेकी दोन विकेटी घेतल्यो. महाकाल पंगडान 1 विकेट वोगडावन जैताक जाय तितल्यो धांवड्यो केल्यो. केशव नार्वेकार आनी विशांत नावेलकारान 50 धांवड्यांची भागिदारी केली. केशव नार्वेकार मॅन ऑफ दी मॅच थारलो. विशांत नावेलकाराक बरो बॅट्समन म्हणून जाल्यार लेहान पंगडाच्या सागर वाटमारे मॅन ऑफ दी सिरिज थारलो. बी एम ब्रदर्साचो दिनेश बरो बॉलर थारलो. कुमारजुवें मतदारसंघाचो आमदार राजेश फळदेसाय हांचे हस्तुकीं इनामां भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
