भांगरभूंय | प्रतिनिधी
मंत्री सुभाष शिरोडकार हांणी घेतली केंद्रीय मंत्री शेखावत हांची भेट
भांगरभूंय I प्रतिनिधी
पणजी : कळसा – भांडुरा प्रकल्पाच्या आराखड्याक केंद्रान दिल्ली मान्यताय फाटीं घेवपाची मागणी करपी निवेदन उदका पुरवण मंत्री सुभाष शिरोडकार हांणी केंद्रीय जलशक्ती मंत्री गजेंद्रसिंह शेखावत हांकां भेटयलें.
मध्य प्रदेश भोपाळांत राज्यांच्या उदका पुरवण मंत्र्यांची परिशद सुरू आसा. हे परिशदेंत वांटो घेवपा खातीर मंत्री शिरोडकार हे भोपाळांत आसात. परिशदे वेळार तांणी केंद्रीय मंत्री गजेंद्रसिंह शेखावत हांची भेट घेवन तांचे कडेन चर्चा केली. कळसा – भांडुरा प्रकल्पा खातीर म्हादयचें उदक घुंवडायले जाल्यार गोंयच्या पर्यावरणाचेर परिणाम जातलो. हाका लागून आराखड्याक दिल्ली मान्यताय फाटीं घेवची, अशी मागणी तांणी केल्या.
म्हादयचो वाद सर्वोच्च न्यायालयांत आसा. प्रकरण न्यायालयांत आसतना एकतर्फी मान्यताय दिवप अयोग्य आशिल्याचे गोंय सरकारान म्हणलां.
सुनावणी ताकतिकेन घेवपाक सर्वोच्च
न्यायालयांत करतले अर्ज
म्हादयच्या याचिकेचेर ताकतिकेन सुनावणी घेवची म्हूण गोंय सरकार सर्वोच्च न्यायालयांत अर्ज करतले. सरकारा कडल्यान याचिका तशेंच एकंदर प्रकरणाचो कायदेशीर अभ्यास सुरू आसा, अशें मुख्यमंत्री डॉ. प्रमोद सावंत हांणी सांगलें. म्हादय प्रस्नाचेर गोंय सरकाराच्यो सर्वोच्च न्यायालयात दोन याचिका आसात. म्हादय लवादान जो निवाडो दिला, ताका गोंय सरकारान आव्हान दिलां. ते भायर कर्नाटका आड खासा अवमान याचिका दाखल केल्या. याचिका बिरेस्तारा सुनावणेक येवपाची आसली. मात ती आयली ना. गोंय सरकाराच्या याचिकेचेर ताकतिकेन सुनावणी जावची म्हूण सरकार सर्वोच्च न्यायालयांत अर्ज करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
