डार्विन-दत्तप्रसाद जोडयेक वस्तादपण

भांगरभूंय | प्रतिनिधी

गोंय बॅडमिंटन असोसिएशनाच्या सहकार्यान सांखळी शटलर्सान आयोजीत केल्ले अखील गोंय बॅडमिंटन सर्तींत डार्विन बार्रेटो आनी दत्तप्रसाद परब हे जोडयेन दोट्टी गटांतलें वस्तादपण जोडलें. फायनलींत तांणी मुस्तफा अब्दुल्ला आनी नितीन मयेंकार हे जोडयेक 15-9, 9-15 आनी 10-15 अशा फरकान हारयली.

मजगतीं, सेमी फायनलींत हारपी विनोद पालकार-संजीब हाजरा आनी डॉ. विश्वनाथ मराठे-रोहिदास घाडी ह्या जोडयांक जोड रितीन तिसरी सुवात फावो जाली.

सर्तींत गोंयांतल्यान 50 परस चड खेळगड्यांनी वांटो घेतिल्लो. सर्तींत सातत्यान बरें प्रदर्शन करपी डार्विन बार्रेटोची मॅन ऑफ सिरिजा खातीर निवड जाली.

ते पयलीं सर्तीच्या उक्तावण सुवाळ्याक सांखळी शटलर्साचे अध्यक्ष यशवंत देसाय आनी कार्यकारिणी समितीचे वांगडी उपस्थीत आशिल्ले. जाल्यार समारोप सुवाळ्याक लायन्स क्लब ऑफ सांखळीचे अध्यक्ष श्याम पेडणेंकार उपस्थीत आशिल्ले.