भांगरभूंय | प्रतिनिधी
भांगरभूंय । प्रतिनिधी
सावयवेरेंः सावयवेरें हांगच्या शांतादुर्गा खेळ आनी सांस्कृतीक क्लबान आयोजीत केल्ले पंचायत पांवड्या वयले टॅनीस बॉल क्रिकेट सर्तींत पाली-सावयवेऱ्याच्या खामिणी स्पोर्ट्स क्लबान तिवरेंच्या हरी रे माझ्या पांडुरंगा पंगडाक हारोवन वस्तादपण मेळयलें. इनाम म्हणून तांका रोख 32001 रुपया आनी कंरड आनी तिवरेंच्या पंगडाक 16001 रुपया आनी करंड फावो जालो.
सेमी फानयलींत हार खावची पडिल्ल्या अटेकींग स्वॉड- वाळपय आनी सावय क्रिकेटर्सांक दरेकी 7001 रुपयांची इनामां दिलीं. ही इनामां प्रियोळचो आमदार आनी खेळां मंत्री गोविंद गावडे हांणी पुरस्कृत केल्लीं. उत्कृष्ट बॉलर – पुण्या पालकर (खामिणी), उत्कृष्ट बॅट्समन- प्रणय (हरी रे माझ्या पांडुरंगा), मॅन आफ दी फायनल – परेश खेडेकार (खामिणी ) हांका वैयक्तीक इनामां मेळ्ळी. क्लबाक सहकार्य केलल्ले खातीर परेश खेडेकार, चंद्रजीत चारी, शशांक साने आनी सुदीप अभिषेकी हांचो क्लबावतीन भोवमान केलो.
इनाम भेटवण कार्यावळीक मुखेल शोयरो म्हणून मदनंत क्रिकेट क्लबाचो सचीव हेमंत कासार आनी शांतादुर्गा क्लबाचो अध्यक्ष अक्षय नायक हाजीर आशिल्ले. सूत्रनिवेदन करून गीतेश वेरेकार हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
