भांगरभूंय | प्रतिनिधी
भांगरभूंय । प्रतिनिधी
वास्कोः जुवारी नगरांतल्या एमईएस कॉलेजी कडेन दोन मोटरसायकलीं मदीं जाल्ल्या अपघातांत नवें वाडें हांगा रावपी प्रसाद फोंडेकार (54) हाका मरण आयलें. बुधवारा रातीं हो अपघात जालो. अघघातात कारण थारिल्ले खातीर वेर्णे पुलिसांनी प्रदीप यादव हाका अटक केल्या. तो ड्रायव्हिंग लायसन्स नासतना जीए-06- क्यू- 3632 ही अॅक्टिवा स्कूटर चलयतालो.
फोडेकार आपले जीए-06-एच- 7484 ह्या नंबराचे मोटरसायकलीन क्वॅन्सी जंक्शना कडल्यान दाबोळी विमानतळा वटेन वतना अकस्मात मदीं येवंन यादवान ताचे मोटरसायकलीक धपको दिलो. रस्त्यार पडून तकलेक मार बसून ताका मरण आयलें. चिखलीच्या उपजिल्हो हॉस्पिटलांत ताका व्हेलो तेन्ना ताका दोतोरानी मेले उपरांत हाडला अशें जाहीर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
