भांगरभूंय | प्रतिनिधी
भांगरभूंय प्रतिनिधी
मडगांवः आकें- मडगांव गुजराती समाजा वतीन आयोजीत केल्ले जिमनॅस्टिक ट्रेनींग सेटराचे चॅम्पियनशीप 2022 सर्तीत 77 भुरग्यांनी वांटो घेतलो. फ्लोअर, बॅलन्सींग, एरोबिक्स, आर्टिस्टिक्स आनी योगाचें अशी ही सर्त जाली.
उक्तावण कार्यावळीक उद्देजक विजय अवदी, वैजकी अधिकारी डॉ विंदा पै दुकले, निवृत्त मुख्याध्यापक रंजन नायक, जिमनॅस्टिक सेंटर संचालीक शीतल ढेरे, आनी सर्त संचालक प्रताप ढेरे हाजीर आशिल्ले. सकाळच्या सत्रांत 8 वर्सा पिरायेच्या खेळगड्यांचे जिमनॅस्टिक फ्लोओर सर्तींत 35 भुरग्यांनी इनामां मेळयली. नावेलीचो आमदार उल्हास तुयेकार, विजय अवदी, डॉ दुकले हांचे हस्तुकी इनामां भेटयलीं.
सांजेच्या दुसऱ्या सत्रांत फ्लो्अर, बँलन्सींग आनी टेबल व्हॉल्ट सर्तींत 50 भुरग्यांनी वांटो घेतलो. ताच्या इनाम भेटवण कार्यावळीक मडगांवचो आमदार दिगंबर कामत मुखेल सोयरे म्हणून आयिल्ले. मडगांव पालिका मंडळाची उपनगराध्यक्ष दीपाली सावळ, नगरसेवक दामोदर शिरोडकार, गुजराती समाज एज्युकेशनल ट्रस्टाचे अध्यक्ष मुकेशभाय सगलानी हाजीर आशिल्ले. खेळगड्यांक बरी कामगिरी करून फुडार घडोवपाक बरी संद आास अशें दिगंबर कामत हांणी ह्या वेळार सांगलें.
अभिजीत ढेरे (2018चे आशियाई सर्तींतलो कांस्या पदक जैतिवंत), चहक गोयल, आर्ची काटकार, अंबिका भोरे आनी स्वरा कोले हांणी जिमनॅस्टिकाची तरेकवार प्रात्यक्षिकां करून दाखयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
