जिओ इन्स्टिट्यूटाचो पदव्युत्तर अभ्यासक्रम

भांगरभूंय | प्रतिनिधी

आर्टिफिशियल इंटेलिजन्स अर्थांत कृत्रिम बुद्धिमत्ता, मार्केटिंग कम्युनिकेशन्स , डेटा सायन्स, डिजिटल मीडिया  हांणी आमचें जिवीत वेंगावपाक सुरवात केल्या. आयच्या इंटरनेट युगाची ती गरज. ताका लागून जसोजसो ताचो वापर वाडटलो, तशेतशें ह्या मळाचेर प्रशिक्षित मनुष्यबळूय जाय पडटलें. हाचो विचार करून जिओ इन्स्टिट्यूटान पदव्युत्तर पूर्ण वेळ शिक्षणक्रमा खातीर अर्ज मागयल्यात. हो अभ्यासक्रम एक वर्साचो आसतलो. 

जिओ इन्स्टिट्यूटान हालींच हाची घोशणा केल्या. रिलायन्स इंडस्ट्रीज लिमिटेड आनी रिलायन्स फाउंडेशन ह्या संस्थांनी सामाजिक दातृत्वाल्यान फुडाकार घेवन जिओ इन्स्टिट्यूटाची स्थापना केल्या. वेगवेगळ्या मळांचें उच्च शिक्षण दिवप हें हे संस्थेचें उद्दिष्ट. नवे मुंबयंत आशिल्ले हे संस्थे कडल्यान 2019 सावन वेगवेगळ्या प्रकाराचे उपक्रम चालीक लावप चालूच आसा. नामनेचे शास्त्रज्ञ डॉ. रघुनाथ माशेलकार हे जिओ इन्स्टिट्यूटाचे कुलपती आसात. डॉ. दीपक जैन हे कुलगुरू. आर्टिफिशियल इंटेलिजन्स अँड डेटा सायन्स, तशेंच, डिजिटल मीडिया अँड मार्केटिंग कम्युनिकेशन्स ह्या पदव्युत्तर पूर्ण वेळ  शिक्षणक्रमांनी प्रवेश घेवपाक जिओ इन्स्टिट्यूटान इत्सुक विद्यार्थ्यां कडल्यान अर्ज मागयल्यात.

कोणा खातीर उपेगी

AI & DS ह्या शिक्षणक्रमांत कृत्रिम बुद्धिमत्ता आनी डेटा सायन्स ह्या विशयांची थियरी, तशेंच तांचो समाजांतलो प्रत्यक्ष वापर हाचें शिक्षण दितले. DM & MC त विद्यार्थ्यांक आयच्या डिजिटल युगांत गिरायकांक चडांत चड बरो अणभव कसो दिवपाक मेळटलो, तांचे कडेन बरो संवाद कसो करपाक मेळटलो, हे विशींचें ज्ञान मेळटलें.  डेटा सायंटिस्ट, AI रिसर्चर्स, इंडस्ट्रियल आनी सोशल एंटरप्रेन्युअर्स जावपाक सोदपी अर्ली करियर प्रोफेशनल्स खातीर AI & DS हो अभ्यासक्रम बरो थारतलो. मार्केटिंग कम्युनिकेशन्स, ब्रँड कन्सल्टिंग, डिजिटल मार्केटिंग, मार्केटिंग अ‍ॅनालिटिक्स, कंझ्युमर रिसर्च ह्या मळांचेर करियर करपाक सोदपी अर्ली करियर प्रोफेशनल्सां खातीर DM & MC हो कोर्स सामको बरो.  

अशी आसतली पात्रताय

AI & DS खातीर इत्सुक आशिल्ल्यांनी कम्प्युटर सायन्स/ आयटी/ मॅथेमॅटिक्स/ स्टॅटिस्टिक्स/ इकॉनॉमिक्स हांचे मदलो खंयचोय निदान एक कोर्स अंडरग्रॅज्युएट पातळेचेर पूर्ण केल्लो आसपाक जाय. DM & MC खातीर इत्सुक आशिल्ल्यांनी खंयच्या मळातली किमान तीन वर्सांची अंडरग्रॅज्युएट डिग्री घेतिल्ली आसपाक जाय. दोनूय अभ्यासक्रमां खातीर ग्रॅज्युएशनाक किमान 50 टक्के वा समकक्ष CGPA आसप गरजेचें. तशेंच, संबंदित मळाचो किमान 18 महिन्यांचो अणभव 1 जुलय 2022 मेरेन घेतिल्लो आसपूय गरजेचें. 

अर्ज कसो करपाचो?

या शिक्षणक्रमांक अर्ज करपाची ऑनलायन प्रक्रिया तीन पांवड्यांची आसा. https://www.jioinstitute.edu.in/ ही अधिकृत वेबसायट. तिचे होमपेजीचेर वचून Apply Now ह्या लिंकाचेर क्लिक करून गरजेचीं कागदां अपलोड करचीं. 2500 रुपया अ‍ॅप्लिकेशन शुल्क भरचें. ही प्रक्रिया करतकच Jio Institute Entrance Test (JET) दिवपाक मेळटली. हाका पर्याय म्हणून उमेदवार GRE Test चो स्कोर दिवपाक शकता. शॉर्टलिस्टेड उमेदवारांक ऑनलायन पर्सनल इंटरव्ह्यू खातीर आपयतले. अंतिम निवड उमेदवाराच्या सर्वांगी कामगिरीचो विचार करून करतले. 

स्काॅलरशीप आसा

गरजू, पात्र विद्यार्थ्यांक जिओ इन्स्टिट्यूटा कडल्यान ट्यूशन फीच्या 100 टक्के स्कॉलरशिपूय दितले. अशें संस्थेन कळयलां. चड माहिती खातीर संस्थेची वयर दिल्ली वेबसायट पळोवची. ‘जागतिक दर्जाची फॅकल्टी, इंटरनॅशनल कोलॅबोरेशन्स, स्कॉलरशिप्स हांच्या साह्यान तरणाट्यां मदीं परिवर्तन घडोवन हाडपाचें आमचें उद्दिष्ट आसा. आमचीं मुळां भारतीय मूल्यांत आसात आनी प्रभाव संवसारीक आसा. अ‍ॅकेडमिक एक्सलन्स आनी इंडस्ट्री रेलेव्हन्स आशिल्ले पोस्ट ग्रॅज्युएट प्रोग्राम आमी सुरू केल्यात,’ अशें जिओ इन्स्टिट्यूटचे कुलगुरू डॉ. दीपक जैन हांणी सांगलें.