भांगरभूंय | प्रतिनिधी
भांगरभूंय I प्रतिनिधी
पणजी : बनावट कागदपत्रां तयार करून जमनी बळकावपाच्या प्रकरणांत विशेश चवकशी पंगडान (एसआयटी) मामलेदार राहुल देसायाक अटक केल्ली. हाची दखल घेवन मामलेदार राहुल देसाय हाका सेवेंतल्यान मंगळारा निलंबीत केल्या. हे विशींचो आदेश दक्षता खात्यान जारी केला. अशा प्रकरणांत निलंबीत जावपी राहुल देसाय हे पयले राजपत्रीत अधिकारी थारल्यात.
हणजूण -बार्देसांतली जमीन बळकायिल्ले प्रकरणांत मुंबयंत रावपी झेवियर पेरेरा हांणी एसआयटींत कागाळ केल्ली. ते प्रमाण दुबावीत ब्रांकां दिनीज, पावलिना दिनीज, मारियानो गोन्साल्वीस आनी रॉयसन्स रॉड्रीग्ज हांणी हणजूण्यां सुमार 950 कि.मि. जमनीचे 1951तले बनावट विक्रीपत्र तयार केलें.
6 ऑगस्ट 2021 दिसा बनावट वारसदार प्रमाणपत्र तयार करून बार्देस मामलेदारा कडल्यान म्युटेशन करून घेतिल्लें. ह्या प्रकरणांत एसआयटीचे पुलीस निरिक्षक नितीन हळर्णकार हांणी वयल्या दुबावितांचेर गुन्यांव दाखल केल्लो.
ते उपरांत एसआयटीन 29 सप्टेंबर दिसा मामलेदार राहुल देसाय हाचे सयत राजकुमार मैथी आनी म्हापशें मामलेदार कार्यालयाचे चालक योगेश वझरकार हाका अटक केल्ली. अटक केल्ल्या तिगांक म्हापशें पयलो वर्ग न्यायालयान तीन दीस पुलीस कोठडेंत दवरपाचो आदेश दिल्लो. मजगतीं ह्या तिगांक न्यायालयान सशर्त जामीन मंजूर केल्लो. ह्या प्रकरणांत राहुल देसाय हांचो दक्षता खात्याक अहवाल सादर केले उपरांत खात्यान मंगळारा राहुल देसाय हाका सेवेंतल्यान निलंबीत
केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
