भांगरभूंय | प्रतिनिधी
भांगरभूंय । प्रतिनिधी
फोंडेंः गांवकारवाडो- उसगांव हांगा कोणे तरी उदका चेंबराचो व्हाल्ब बंद केल्ल्यान नाणूस गांवांतल्या लोकांक 5 दीस उदका विणे काडचे पडले. सोमाराक सकाळीं बांदकाम खात्याच्या उदका पुरवण विभागाच्या कामगारांच्या नजरेक ही गजाल आयले उपरांत तांणी व्हाल्व काडून उदका पुरवण सुरू केली. उदका पुवरण सुरू केली ना जाल्यार लोकांक घेवन बांदकाम खात्याच्या कार्यालयाचेर मोर्चो व्हरपाची शिटकावणी थळावो पंच वांगडी संजय गावडे हांणी दिल्ली.
नाणूस गांवांत फाटल्या चार- पांच म्हयन्यां सावन उदका पुरवण सारकी जायना. फाटले पांच दीस नळाक उदक येवपाची सामकें बंद जाल्लें. बांदकाम खात्या वरवीं गांवांत टँकरान उदका पुरवण सुरू आशिल्ली. फाटल्या म्हयन्यांत गांवांतल्या बायलांनी सहाय्यक अभियंतो यशवंत मापारी हाका घेराव घालून सारकी उदका पुरवण करपाची मागणी केल्ली. मात पायप लायनींत सोडिल्लें उदक नाणूस गांवांत पावना हाका लागून पायपलायनीक गळटी लागिल्ल्याचो दुबाव आशिल्लो. आयतारा उसगांव हांगा रस्तो खणून पायप लायन सारकी केली. मात सोमाराक व्होल्व बंद केल्ल्याचें ताचें नदरेक आयलें.
उदक नाशिल्ल्यान लोक तिडकल्ले. पंच संजय गावडे हाणे सोमारा रातीं मेरेन उदक पुरवण जायना जाल्यार मंगळाराक बांदकाम खात्याच्या कार्यालयात मोर्चा हाडपाची शिटकावणी दिल्ली. ताका लागून खात्याच्या अभियंत्यांक लक्ष घालचें पडलें. पांच दीस उदक नाशिल्ल्यान कांय जाणांनी गांजे हागचे वझऱ्याचें उदक वाहना व्हरून हाडचें पडलें. ते खातीर दोन किलोमीटर पयस आशिल्ल्या गांजें गांवात वचपाक ताका गाडयांक पॅत्रोल घालपाक पयशे खर्च करचे पडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
