भांगरभूंय | प्रतिनिधी
पणजी : आंतरराष्ट्रीय चित्रपट महोत्सवाक पांच म्हयने आसले तरी तयारे खातीर बसकांक सुरवात जाल्या. केंद्रीय म्हायती आनी प्रसारणमंत्री अनुराग ठाकुर हांणी घेतिल्ले बसकेंत तयारेचेर चर्चा जाली. ही बसका व्हर्चुअल स्वरूपाची आसली. मुख्यमंत्री डॉ. प्रमोद सावंत, मुखेल सचीव तशेंच हेर सरकारी अधिकारी बसकेक हाजीर आशिल्ले. केंद्रीय मंत्री अनुराग ठाकुर हांणी व्हर्चुअल पद्दतीन सुचोवण्यो केल्यो. अंदूं गोंयांत जातलो तो 54वो आंतरराष्ट्रीय चित्रपट महोत्सव आसतलो. महोत्सव दर वर्सा 20 ते 28 नोव्हेंबर मजगतीं जाता. इंडियन पॅनोरॅमा, कॉपिंटेशन सेक्शन गटांतल्या चित्रपटांची निवड दिल्लीत चित्रपट संचालनालया वतीन जाता. इव्हेंट मॅनेजमेंट कंपनी तशेंच हेर निविदा मनरिजवण संस्थे वतीन जारी जाता. आता मेरेन गोंयात 20 आंतरराष्ट्रीय महोत्सव जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
