भांगरभूंय | प्रतिनिधी
गोवन वार्तान आंतरप्रसारमाध्यम सिझनबॉल क्रिकेट सर्तीचें वस्तादपण जोडलें. गोंय खेळां पत्रकार संघटनेन गोंय क्रिकेट संघटनेन आनी गोंय खेळां प्राधिकरण हांच्या जोडपालवान पर्वरीच्या जीसीए मैदानाचेर सर्तीचें आयोजन केल्लें.
गोवान वार्ता पंगडान तरुण भारताक 7 विकेटींनी हारोवन वस्तादपण जोडलें. सर्त दोन दीस चल्ली.
फायनलींत पयलीं बॅटींग करतना तरुण भारताच्या पंगडान 6 ओव्हरींनी 7 विकेटी वगडावन 49 धांवड्यो केल्यो. ताच्या राजाराम भटान सगल्यांत चड 18 धांवड्यो केल्यो. गोवन वार्ता वतीन सचिनान 13 धांवड्यो दिवन 2 जाल्यार गंगाराम, काशिनाथ, उदय आनी निखील हांणी दरेकी 1 विकेटी घेतल्यो.
गोवन वार्तान 4 ओव्हरींनी 3 विकेटी वगडावन मोख मेळयली. गंगारामान 28 आनी दुर्गेशान 12 धांवड्यो केल्यो.
ते पयलीं जाल्ले सेमी फायनलींत गोवन वार्तान प्रुडण्ट मिडियाक 6 धांवड्यांनी हारयिल्लो. जाल्यार दुसरे सेमी फायनलींत तरुण भारतान दूरदर्शना आड 18 धांवड्यांनी जैत जोडून फायनलींतली सुवात निश्चीत केल्ली.
इनामां भेटवण सुवाळ्याक मुखेल सोयरे म्हणून खेळां मंत्री गोविंद गावडे, मानाचे सोयरे म्ङणून जीसीएचे सचीव विपुल फडके, विशेश आमंत्रीत म्ङणून प्रशिक्षक संचालक प्रकाश मयेंकार, गोवा खेळां पत्रकार संघटनेचे अध्यक्ष महेश गांवकार आनी गोवन वार्ता लायव्हचे संपादक किशोर नायक गांवकार उपस्थीत आशिल्ले. कार्यावळीचें सुत्रसंचालन बांबिनो डायसान केलें.
वैयक्तीक इनामांः
गंगाराम सावंत (मॅन ऑफ द मॅच, गोवन वार्ता), दुर्गेश नायक (उत्कृश्ठ बॅट्समन, गोवन वार्ता), सचिन दळवी (उत्कृश्ठ बॉलर, गोवन वार्ता), अनील कालेकार (उत्कृश्ठ विकेटकीपर, तरुण भारत), केदार शिरगांवकार (मॅन ऑफ द सिरीज, दूरदर्शन), उमेश झर्मेकार (उत्कृश्ठ फिल्डर, गोवन वार्ता), दूरदर्शन (शिस्तीचो पंगड).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
