भांगरभूंय | प्रतिनिधी
भांगरभूंय प्रतिनिधी
दिवचलः खेळा मळार वावुरपी गोंय मास्टर अॅथेलेटिक्स संघटनेक राज्याच्या खेळ आनी युवा वेव्हार खात्या वरवीं जाय तें सहकार्य करपाचें उतर खेळां मंत्री गोविंद गावडे हांणी दिलां. 42व्या अखील भारतीय मास्टर्स अॅथेलेटिक्स सर्तींत वांटेकार जावपी गोंय पंगडाक परबीं दिवपा खातीर बांबोळे स्टेडियमांत आयोजीत केल्ले कार्यावळींत ते उलयताले.
ह्या वेळार संघटनेचे पदाधिकारी अनिता रॉड्रिग्ज, जुवांव फर्नांडीस, खेळा खात्याचो प्रभारी संचालक श्री गांवकार, आदली उपसंचालक ज्युलियना कुलासो हाजीर आशिल्ले. राज्यांत खेळां सुविधा तयार करपा खातीर खेळा खात्याचे यत्न चल्ल्यात अशें गावडे हांणी सांगलें. गोंय पंगडांतल्या सगल्या खेळगड्यांची गावडे हांका वळख करून दिली.
42व्या मास्टर्स अॅथेलेटिक्स सर्तींत वांटो घेवपी गोंय पंगड फुडले भशेन- मार्टिन पिरीस, यशवंत वेरेकार, अमित, दामोदर, फ्रान्सिस, अंथोनी, साबिस्तिओ, गिरीश, सतीश, गुरुदास, आशुतोष नायक, ग्लेन, जोसेफ, महेश रामनाथ देसाय, सुभाष देसाय, श्री. बेरेटो श्री. भानुदास श्री. दिलीप, बाबू गांवकार, विनोद मळीक, संदेश बाराजानकार, हकिम सिंह, जुआव रॉड्रिग्ज, श्री अंथनी, एलन डिसा, श्री पवन, अनिता रॉड्रिग्ज, अविता बांदोडकार, श्रीमती अल्जिरा, श्रीमती शेली, श्रीमती फातिमा, श्रीमती शांती, श्रीमती वसुंधरा, श्रीमती सुलोचना, श्रीमती एंजेला श्रीमती करीना, श्रीमती लिझेते, श्रीमती माझिलीना, श्रीमती जयश्री, श्रीमती दिव्या आनी श्रीमती देवी गावकर
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
