भांगरभूंय | प्रतिनिधी
भांगरभूंय पत्रक
पणजीः कुमाओन साहित्य संमेलन (केएलएफ) ह्या वर्सा गोंयांत 14 आनी 15 मेक आयोजीत केला. राज्यपाळ पी एस श्रीधऱन पिल्ले ताचें उक्तावण करतले. केएलएफ हें देशांतले फिरते संमेलन आसा. श्याम मेटालीक आनी लक्ष्मी कप्पूस्वामी ट्रस्ट ताचे पुरस्कर्ते आसात.
दिवाडे जुंव्यार आशिल्ल्या इंडियन सिनेमा फावंडेशाच्या कार्यालयांत संमेलनाच्या उक्तावणाची कार्यावळ जातली. दोन दिसांच्या ह्या संमेलनाचे उक्तावण कार्यावळीक राज्यपाल श्रीधरन पिल्ले मुखेल सोयरे म्हणून हाजीर रावतले आनी ताचें उक्तावण करतले. संमेलनांत कला, सिनेमा, साहित्य, संस्कृती संबंदी चर्चा जातली.
देशाची संस्कृती आनी साहित्याचेर चर्चा करपा खातीर देशांतल्या सर्जनशील साहित्यीक आनी कलाकारांक संमेलना खातीर आमंक्षण दिलां अशी म्हायती सुमंत बात्रा हांणी दिली. संमेलना वेळार कांय पुस्तकांचें प्रकाशन करतले. संमेलना निमतात कलाकारस लेखक, इतिहास संशोधक एकठांय येतले आनी कलेक कशे तरेन उर्बां दिवप शक्य आसा हाचेर विचार करतले अशें तांणी सांगलें.
.गोंयांतल्या संमेलनाक सिनेमा हिस्टोरियन आनी लेखक अमृत गर्ग, ज्य़ेश्ठ पत्रकार आनी लेखक अनंत विजाय, सिनेमा दिग्दर्शक आनी लेखक राहुल रावल, प्रकाशक मिली एश्वर्या, बंगळुरूच्या इस्कॉनाचे ज्येश्ठ उपाध्यक्ष चंचलपती दास, अक्षय पात्र फावंडेशनाचे उपाध्यक्ष वांटेकार जातले. पंतप्रधान नरेंद्र मोदी हांचे आर्थिक सल्लागार विवेक डब्रॉय हांचे संमेलनांत बीज भाशण आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
