भांगरभूंय | प्रतिनिधी
दोन वर्सांत 414 हॅक्टरान वाड; दक्षीण गोंया परस उत्तरेंत अदीक पीक
भांगरभूंय । नारायण गांवस
पणजीः गोंयांत काजू लागवड क्षेत्र दर वर्सा वाडटा. 2019-20 त 56 हजार 476 हॅक्टर काजू लागवड क्षेत्र आशिल्लें. तें 2021-22 त 56 हजार 890 हॅक्टर जालां. दोन वर्सांत काजू लागवड क्षेत्र 414 हॅक्टरान वाडलां. काजींची वाडटी मागणी आनी उणी मशागत तशेंच बरो दर हाका लागून कलमी काजू लागवड क्षेत्र वाडटा.
दक्षीण गोंया परस उत्तर गोंयांत काजू लागवड क्षेत्र चड आसा. 2019-20 त उत्तर गोंयांत 37 हजार 259 हॅक्टर काजू लागवड क्षेत्र आशिल्लें. तेंच दक्षीण गोंयांत फक्त 19 हजार 217 हॅक्टर आशिल्लें. तशेंच 2021-22 त उत्तर गोंयांत 37 हजार 430 हॅक्टर क्षेत्र लागवडीचें क्षेत्र आशिल्लें जाल्यार दक्षीण गोंयांत फक्त 19 हजार 460 हॅक्टर लागवडीचें क्षेत्र आसा. गोंयांत सगळ्यांत चड काजी लागवड क्षेत्र सत्तरी म्हालांत आसा. सत्तरींत 10 हजार 852 हॅक्टर क्षेत्र काजू लागवडी खाला आसा. ताच्या खाला पेडण्यां 9 हजार 46 हॅक्टर लागवड क्षेत्र आसा. जाल्यार दक्षीण गोंयांत सांगें म्हालांत 5 हजार 515 हॅक्टर काजू लागवड क्षेत्र आसा.
2021-22 तली काजू लागवड क्षेत्र हॅक्टरांत
तिसवाडी 3,241, बार्देस 6,432, पेडणें 9,046, दिवचल 7,859, सत्तरी 10,852, फोंडें 3,530, सांगें 5,515, धारबांदोडें 1,957, काणकोण 3,476, केपें 2,540, साश्ट 1,964, मुरगांव 378.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
