भांगरभूंय | प्रतिनिधी
बायलांचे 19 वर्सां पिराये सकयले टी-20 यूथ क्रिकेट सर्तींत गोंयच्या पंगडाक सेगीत तिसरे हारीक तोंड दिवचें पडलें. हैदराबादाच्या जिमखाना मैदानाचेर जाल्ले मॅचींत दिल्ली पंगडान गोंयचेर 9 विकेटींनी हार घाली.
टॉस जिखून पयलीं बॅटींग करपी गोंयाक निर्धारीत 20 ओव्हरींनी 9 विकेटी वगडावन फक्त 68 धांवड्यो करप शक्य जाल्यो. हर्षिता यादव (15) आनी रिया नायक (17) हांकांच दोट्टी आंकडो हुपपाक शक्य जालें.
दिल्ली वतीन पुराणीक सिसोदियान फक्त 15 धांवड्यो दिवन गोंयच्या 4 बॅट्समनांक बाद केले, जाल्यार रिया सोनीन दोन विकेटी घेतल्यो.
प्रत्युत्तर दितना दिल्लीन 10.5 ओव्हरींनी फक्त एक विकेट वगडावन गरजेच्यो धांवड्यो केल्यो. ओपनर उपासना यादवान 41 बॉलांनी 42 धांवड्यो केल्यो, जाल्यार श्वेता शेरावतान नाबाद 23 धांवड्यो केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
