भांगरभूंय | प्रतिनिधी
भांगरभूंय । प्रतिनिधी
काणकोणः एनएच 66 रस्त्याच्या गुळे हांगच्या अशीर रस्त्यार 7वो कन्टेनर ट्रक शेतांत लवंडून पडपाचो प्रकार शुक्राराक सकाळीं जालो. आंतरराज्य येरादारी करपी पीबी-13 एएल-4528 नंबराचो ट्रक रस्त्या कुशीक आशिल्ल्या फोंणकुलांत पडिल्ल्यान ड्रायव्हराचें नियंत्रण गेल्ल्यान तो एकेवटेन लवंडून लायटीच्या खांब्याचेर पडलो. ताका लागून तो शेतांत पडपा पसून वाटावलो.
फुडल्यान येवपी स्कूल बशीक साडय दितना रस्त्या कुशीक आशिल्ल्या फोंणकुलांत ट्रकाचें फुडलें रोंद गेलें आनी ट्रकाचो बॅलन्स गेलो अशें ड्रायव्हर यादवान सांगलें. फाटल्या दोन म्हयन्यांत जाल्लो व्हो सातवो ट्रक अपघात अशें थळाव्या शेतकारांनी सांगलें. अशीर रस्त्याक लागून ट्रक लवंडून आमच्या शेतांत पडटात आनी आमचें लुकसाण जाता अशें तांणी सांगलें.
गुळेंचो रस्तो रुंद करात अशी मागणी आतां मेरेन करीत आसात. राष्ट्रीय म्हामार्ग प्राधिकरण आनी गोंय सरकार आमचे मागणे कडेन लक्ष दिना. आतां आमकां ते खातीर न्यायालयांत वच्चें पडटलें अशे एका शेतकारान सांगलें. अशे अपघात जातकूच फकत क्रेन ऑपरेटरांचो फायदो जाता. ते ट्रक रस्त्यार हाडपाक 40 तें 50 हजार रुपये घेतात अशी म्हायती तांणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
