भांगरभूंय | प्रतिनिधी
पणजी : गुगल ट्रान्स्लेटराचेर कोंकणी येवची म्हूण यत्न केल्ले गुगलाचे वरिश्ठ वेवस्थापक (बिजनेस सिस्टम) संजीत हेगडे देसाय हांची काल तांच्या घरा आदले उपमुख्यमंत्री चंद्रकांत कवळेंकार हांणी भेट घेतली. कोंकणी खातीर केल्ल्या यत्नां खातीर कवळेंकार हांणी तांची गोंय आनी केंपेंकारां वतीन तुस्त करून उपकार मानले.
देसाय हांच्या यत्नांक लागून आमची आवयभास, गोंयची अधिकृत भास गुगलाच्या विवीध सेवांनी आस्पावल्या, अशें कवळेंकार हांणी म्हणलें. तांणी गुगल कंपनींतल्यान हेर वांगड्यांच्या यत्ना विशीं उपकार मानले. तशें तांकां कळोवपाकूय सांगलें. हांव केपेंकार आशिल्ल्यान आनीक एका केपेंकाराक बरे कामगिरी खातीर परबीं दितना अभिमान भोगता. फुडाराक तुमकां आनीक येस मेळचें, अशी शुभेत्साय कवळेंकार हांणी देसाय हांकां दिल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
