भांगरभूंय | प्रतिनिधी
भांगरभूंय । प्रतिनिधी
पर्वरीः सांगोल्डा वाठारांतल्यान गाडयो चोरपी चार चोरांचे टोळयेक पर्वरी पुलिसांनी अटक केली. वन मावळिंगच्या अजीत विरजी हाणे आपली जीए 05 एफ 8800 ही स्कॉर्पिया गाडी आल्त बेलाविस्ता हांगच्यान चोरयेक गेल्ल्याची कागाळ पर्वरी पुलीस स्टेशनांत केल्ली.
पर्वरी पुलिसांनी सीसीटीव्ही फूटेज तपासून पळतगीर हे चोर ती गाडी वापरतात अशें दिसून आयलें. मोबायल टॅक्निकल सर्वेलन्सा वरवीं ते राजस्थानांतल्यान बलमेर जिल्ह्यांत आसात हें तांणी सोदून काडले. पुलीस अधिक्षक सोबीत सक्सेनान राजस्थानात पुलीस पंगड धाडलो आनी सुरत पुलिसांचे मजतीन तांणी चारूय चोरांक धरून गोंयांत हाडलें.
श्रवण कुमार (24), राम जीवन राम (29), अरविंद कुमार बिश्णोई (32) आनी किशनकुमार माली (24) अशी तांची नांवां आसात. गोंयांतल्या गाडयो चोरून त्यो राजस्थान आनी गुजरांतांतल्या सोऱ्याचें स्मगलिंग करतल्याक ते विकताले अशी कबुली तांणी दिली. पर्वरी पुलिसांनी तांचे कडल्यान 8 लाख रुपया मोलाची हुंडाय क्रेटा, तीन स्कॉर्पियो जीपींच्या डुप्लिकेट चाव्यो. ग्लास कटर आनी 37 हजार रोख रुपया जप्त केल्यात. सांगोल्डा हांगच्यान चोरून व्हेल्या गाडयेचो पुलीस सोद घेतात. म्हापशेंच्या पयलो वर्ग न्यायालयान तांकां 7 दिसांची पुलीस कादय दिल्या.
पुलीस उपअधिक्षक विश्वेश कर्प हांच्या मार्गदर्शना खाला निरीक्षक अनंत गांवकार, उपनिरीक्षक सीताराम मळीक तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
