खोर्ली भलायकी केंद्राच्या भलायकी तपासणेचो 80 जांणांनी घेतलो लाब

मेळाव्याक हाजीर आशिल्ले सरंपच बाप्तिस परेरा, गौरव कुडचडकार, विद्यार्थी आनी कर्मचारी

भांगरभूंय | प्रतिनिधी

भांगरभूंय । प्रतिनिधी
माशेलः खोर्लीच्या भलायकी केंद्रांत आयुश्यमान भारत मोहिमे खाला खोर्ली पंचायत सभाघरांत आयोजीत केल्ल्या भलयाकी मेळाव्यांत सुमार 80 जांणांची भलायकी तपासणी केली. शिबिरांत  डॉ आदित्य नायक, डॉ योगेश देसाय, डॉ अनुपा नायक (आयुर्वेद), डॉ वैशाली केरकार ( डेन्टल), डॉ सदानंद केरकार ( दोळ्यां दुयेंस), डॉ प्रज्योत काणकोणकार, डॉ स्वाती रायकर ( बायलां दुयेंश) हांणी दुयेंतींक तपासले. हिमोग्लोबिन आनी रगत तपासणी केली  निकीता नायकान  समुपदेशन केलें.
मेळाव्याचें उक्तावण गोंय राज्य भलायकी खात्याच्या एससीडी विभागाचे मुखेली डॉ केदार रायकार हाणे केलें. ह्या वेळार करमळीच्या सुनंदाबाय बांदोडकार हायस्कुलाचे, खोर्ली पीडीए कॉलनींतल्या मडकयकार नवचैतन्या हायस्कूलाचे विद्यार्थी, पोरणे गोंय पुलीस स्टेशनाचे आनी खोर्ली भलायकी केंद्राचे कर्मचारी हाजीर आशिल्ले. फीट इंडिया मोहिमे खाला कॅन्सर दुयेंसा विशीं जागृताय करपा खातीर सायकल रॅली काडिल्ली. उपरांत भलायकी मेळाव्यांत आयएसआय अधिकारी अविता परब हिणे भलायके विशयांचेर मार्गदर्शन केलें. गोंय नर्सींक इन्स्टिट्यूटाच्या विद्यार्थ्यांनी रस्तो नाटक सादर केलें.
मेळाव्यात सोमा सिनारीच्या पोस्टरांचें प्रदर्शन जालें. मेळावो येसस्वी करपा खातीर खोर्लीचो सरपंच बाप्तिस परेरा  अरूणा देसाय, सुमन मडकयकार, शर्मिला परब, संतोष सावंत, वनिता गांवकार, संजता माजीक, पल्लवी गांवकार, देवता सावंत हांणी मजत केली.