भांगरभूंय | प्रतिनिधी
सध्या धांवड्यो करपाक झुजपी विराट कोहलीक भारताचो आदलो मुख्य प्रशिक्षक रवी शास्त्रीन मोलादीक सल्लो दिला. कोहलीक चड काळ क्रिकेट खेळपाक जाय जाल्यार ताणें सध्या क्रिकेटींतल्यान विसव घेवचो अशें रवी शास्त्रीन म्हणलां.
कोहलीच्या बॅटांतल्यान धांवड्यो येनात. अंदूंच्या हंगामांत तो डकआवडाची हॅट्रीक करपा पसून मात्सो वाटावलो. ताचो फ्लॉप शॉ चालूच आसा. फाटल्या 100 मॅचींनी खेळटना ताका एक लेगीत शेंकडो मारपाक जमूंक ना. शंबर मॅचींनी 17 टॅस्टींचो, 21 वन डे मॅचींचो, 25 टी-20 मॅचींचो आनी 37 आयपीएल मॅचींचो आस्पाव आसा.
विराट कोहलीक विसव मेळचो म्हणून रवी शास्त्रीन राष्ट्रीय पंगडाचो मुख्य प्रशिक्षक आसतना कोहलीची बाजू बीसीसीआय कडेन मांडिल्ली.
कोहलीन आयपीएल सोडून विसव घेवचो अशें रवी शास्त्रीन मुखार म्हणलां. पूण, अंदूं जावपी संवसारीक टी-20 सर्तीचो विचार केलो जाल्यार शास्त्रीचो सल्लो कोहली आयकतलो काय हें पळोवपा सारकें थारतलें.
हार्दीक पांड्या आदीं दुखापतीक लागून आनी उपरांत बाबत फॉर्माक लागून चर्चेत आशिल्लो. ताणें ब्रेक घेतलो आनी आतां आयपीएलांत परत फुल्ल फॉर्मांत खेळटना दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
