भांगरभूंय | प्रतिनिधी
पेडणें: कोरगांवां रस्त्या वयल्यान धांवपी टेम्पोक (जीए 11 टी 3241) अचकीत उजो लागलो आनी ताचो लासून गोबर जालो.
ही दुर्घटणा कोरगांवां 8 जानेवारीक दनपारां 12.30 वरांच्या सुमाराक घडली. ह्या उज्यांत दोन मोबायल फोन आनी कांय कागदपत्रांचो गोबर जालो. चालक मात बरे भशेन वाटावलो. मेळिल्ले म्हायती प्रमाण रस्त्याचेर धांवतना टेम्पोक अचकीत उजो लागताच तो रस्त्याचे कुशीक उबो केलो आनी पेडणें उजो पालोवपी दळाक कळयलें. दळाच्या जवानांनी ताकतिकेन येवन उज्याचेर नियंत्रण मेळयलें, पूण ते मेरेन टेम्पोचो लासून गोबर जाल्लो. हो उजो शॉर्ट सर्किटाक लागून लागिल्ल्याचो दुबाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
