भांगरभूंय | प्रतिनिधी
भांगरभूंय। प्रतिनिधी
होंडाः गोंय बालभवना वतीन कोपार्डें हांगा एप्रील तें मे म्हयन्यांत गिमाळें शिबीर आयोजीत केल्लें. ताचो कोपार्डंच्या ब्राम्हणी महामाया देवस्थान मंडपात गुण दऱ्शन कार्यावळी आयोजीत केल्ली. ह्या वेळार मुखेल सोयरे म्हणून बालभवनाचो कार्यावळ अधिकारी शशिकांत पुनाजी हाजीर आशिल्ले. कापार्डे पंचायतीचो पंच विठू बरक, महामाया देवस्थानाचो अध्यक्ष येसो सावंत, बालभवनाचो लेखा सहाय्यक सुरेश सावंत, बालभवन ठाणे केंद्र मुखेली संध्या नायक माचयेर आशिल्ली.
गिमाळ्या शिबिरांत भुरग्यांक तबलें, पेटी, नाच, चित्रकला, हस्तकला, तशेंच अभिनयाचें शिक्षण दिलें. भुरग्यांनी तांका शिकयल्ले कलेचें गुण दर्शन कार्यावळींत सादरीकरण केलें. तशेंच सांस्कृतीक कार्यावळी सादर केल्यो. तबलेंं, पेटीचें सोलो वादन तशेंच नितळसाणेचेर खासा कार्यावळ सादर केली. गुण दर्शन कार्यावळींत 60 परस चड भुरग्यांनी वांटो घेतिल्लो.
दिवली पेटोवन कार्यावळीक सुरवात केली. शशिकांत पुनाजी हांणी पालक आनी भुरग्यांक मार्गदर्शन केलें. बालभवनाचे शिक्षक संध्या नायक, तेजस्विनी गावस, मंजुनाथ नायक, मनोज देसाय, शिवनाथ उसपकार, शाम पर्येकार, सुशांत गावस, विठ्ठल कोरगांवकार, स्मिता नायक, सुशमा वर्झेकार हांणी जाय तें मार्गदर्शन केलें. कार्यावळीचें सूत्रसंचालन बालभवनाचो विद्यार्थी वैभव सुरेश सावंत हांणे केलें. शिक्षक सुशांत गावस हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
