भांगरभूंय | प्रतिनिधी
भांगरभूंय । प्रतिनिधी
पर्वरीः पर्वरी हांगा गिरायका कोकेन हें घुवळे वखद विकपाक आयिल्ल्या हिंजवाडी- पुणें हांगच्या ऋतुराज रामकृष्ण पांडे (25) ह्या तरणाट्याक पर्वरी पुलिसांनी मुद्देमाला सयत धरलो. बिरेस्तारा सांजे 5 वरांचेर पुलिसांनी ही कारवाय केली. पांडे कडेन आंतरराष्ट्रीय बाजारांत आशिल्लें 8 लाख रुपया मोलाचें 80 ग्राम कोकेन मेळ्ळें.
एक तरणाटो पर्वरे घुंवळी वखदां विकपाक येतलो अशी म्हायती पर्वरी पुलिसांक मेळिल्ली. उत्तर गोंयचे अधिक्षक सोबित सक्सेना हांच्या मार्गदर्शना खाला निरीक्षक अनंत गांवकार, उपनिरीक्षक प्रतिक भट प्रभू, हवालदार संदीप परब आनी तांच्या सांगत्यांनी ही कारवाय केली.
शिवोले घुंवळे वखदां विकपी
हैदराबादच्या तरणाट्याक अटक
भांगरभूंय । प्रतिनिधी
पणजीः गोंय पुलिसांच्या गुन्यांव फांट्यान शिवोले हांगा केल्ले कारवायेंत य़सवंत रेड्डी (25) ह्या हैदराबादच्या तरणाट्याक अटक करून ताचे कडल्यान 25 हजार रुपये मोलाची घुंवळी वखदां जप्त केलीं. ताण पणजेच्या उत्तर गोंय जिल्हो आनी सत्र न्यायालयांत जामिना खातीर अर्ज केला. ताचेर फाल्यां शुक्राराक सुनावणी जातली. रेड्डी हो हुडोवाडो- शिवोले रावता. म्हापशेंच्या पयलो वर्ग न्यायालया ताका सात दिसांची पुलीस कादय दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
