भांगरभूंय | प्रतिनिधी
केरी-सत्तरी: केरी सत्तरीच्या सरकारी माध्यमीक विद्यालयाचो अंदूंचो धावेचो निकाल 100 टक्के लागलो. विद्यालयांतल्यान परिक्षेक 60 विद्यार्थी बशिल्ले. हातुंतल्यान 11 विद्यार्थी विशेश श्रेणींत, 23 विद्यार्थी पयले आनी 26 विद्यार्थी दुसरे श्रेणींत पास जाले. ह्या विद्यार्थ्यां मदलें वैदही दीपक गांवस हांणी 92.3 टक्के गूण मेळोवन विद्यालयांत पयलें येवपाचो मान मेळयलो. तशेंच अनुष्का श्रीकांत गांवस हाका 91.7 टक्के गूण मेळून तें विद्यालयांत दुसरें जाल्यार कल्पेश केशव चोर्लेकार हाका 90.5 टक्के आनी मनस्वी मारुती देसाय हाका 89.6 टक्के गूण घेवन तीन तिसर्या आनी चोवथे सुवातर आयलीं.
विद्यार्थ्यांच्या ह्या येसा खातीर मुख्याध्यापक मेलविन डिकॉस्टा, हेर शिक्षक, कर्मचारी आनी पालकांनी परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
