भांगरभूंय | प्रतिनिधी
भांगरभूंय प्रतिनिधी
केरी-सत्तरीः केरी- सत्तरी हांगच्या सरकारी माध्यमीक विद्यालयाच्या मैदानार चलयां खातीर पायोनीयर हॉकी प्रशिक्षण शिबीर जालें. पिलारच्या फादर स्पोर्ट्स फॉर युथ डेव्हलपमेंट हांच्या पालवान शिबिराचें आयोजन केल्लें. ते खातीर हॉकी हेरिटेज ग्रूप, वंडेर्स कतार आनी स्टार ऑफ सत्तरी हे खेळां संघटनेचें सहकार्य मेळ्ळें.
धा दीस चलिल्ल्या ह्या शिबिरांत माध्यमीक विद्यालयांतल्या 20 विद्यार्थ्यीनींनी वांटो घेतिल्लो. ताका हॉकीचे मुख्य प्रशिक्षक अलेक्सझंड रेमेडिओ आनी सहाय्यक प्रशिक्षक अविराज मडगांवकार आनी गौरव सिंग हांणी मार्गदर्शन केलें. शिबीर आयोजीत करपा खातीर मनोज फुर्तादो, टॉम मिनेझीस आनी फादर डॉमनीक अल्वारीस हांणी मजत केली.
शिबिराचे समारोप कार्यावळीक वर्ल्ड हेरिटेज ग्रुप ऑफ हॉकीचे सचीव फादर पीटर अल्वारीस, केरी सरकारी माध्यमीक विद्यालयाची शिक्षिका विद्या देसाय, फादर डॉमनीक अल्वारीस हाजीर आशिल्ले. ह्या वेळार शिबिरांत वांटेकार जाल्ल्या चलयांक सर्टिफिकेटी भेटयल्यो. सिद्धी गांवस हाका उत्कृश्ट हॉकी प्रशिक्षणार्थी आनी तन्वी सावंत हाचो शिस्तबद्ध शिबिरार्थी म्हणून भोवमान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
