भांगरभूंय | प्रतिनिधी
पेडणें: कन्नूर, केरळांतल्या एका दरोड्यां प्रकरणांत 19 ऑगस्टाक फांतोडेर पेडणें पुलीस आनी कन्नूर रेल्वे पुलिसांनी संयुक्त तरेन हातांत घेतिल्ले मोहिमेंत आश्वें मांद्रेंच्या एका हॉटेलांतल्यान एर्नाकुलम केरळांतल्या चार दुबावितांक अटक केली.
अटक केल्ल्या दुबावितां मदीं जेरमीन जोसेफ टिमिन्स (49, एलोमाक्रा एर्नाकुलम), विष्णू बिजू व्ही. के. (19), एला माक्रा, एर्नाकुलम), अभिनव मुरली (18, येडापल्ली एर्नाकुलम) आनी हरिश प्रसाद (20, काकड्डनट एर्नाकुलम) हांचो आस्पाव आसा.
पेडणें पुलीस स्टेशनाचे निरिक्षक दत्ताराम रावत आनी कन्नूर केरळ रेल्वे पुलीस स्टेशनाचे निरिक्षक नलीनकृष्ण पी. हांच्या मार्गदर्शना खाला पेडणें पुलीस आनी केरळ रेल्वे पुलिसांनी ही मोहीम हातांत घेतिल्ली.
चारूय दुबावीत गोंयांत आयिल्ल्याची म्हायती कन्नूर पुलिसांक मेळिल्ली. तांचो सोद घेत कन्नूर रेल्वे पुलीस गोंयांत आयिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
