भांगरभूंय | प्रतिनिधी
भांगरभूंय प्रतिनिधी
केरी-सत्तरीः स्वातंत्र्याच्या अमृत महोत्सवी वर्सा निमतान केंद्रीय कृशी मंत्रालायचे वेगवेगळ्यो येवजण्यो आनी कार्यावळींची म्हायती दिवपा खातीर ‘किसान भागीदारी, प्राथमिक हमारी’ ह्या अभियानाचें केंद्रीय कृशी मंत्री नरेंद्र सिंग तोमार हांणी उक्तावण केलें. ह्या निमतान देश भरयां कृशी मेळावे आयोजीत करतले. गोंयांत 30 एप्रील मेरेन हें अभियान चलतलें.
शेतकार येवजण आनी पीक विमो येवजणेची शेतकारांक म्हायती दिवप हो हे कार्यावळीचो हेत आसा. फाटल्या बुधवारा गोंयांतल्या वेगवेगळ्या ग्रामपंचायतींनी सकाळीं 11 वरांचेर कृशी मेळावे जाले. दरेका पंचायतींतले कार्यावळीक सुमार 50 शेतकार हाजीर आशिल्ले. ह्या वेळार शेतकारांक प्रधानमंत्री किसान भोवमान निधी येवजणे खातीर पात्र आशिल्ल्या शेतकारांक किसान क्रेडिट कार्डां (केसीसी) दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.