भांगरभूंय | प्रतिनिधी
भांगरभूंय । प्रतिनिधी
फोंडेंः अजिंक्य चॅस अकादमीन आयोजीत केल्ले कुर्टी ग्राम बुद्दिबळ सर्तींत सोपान देसायान पयलो नंबर मेळयलो. सत्वीक केरकार आनी कुणाल नायकान दुसरो आनी तिसरो नंबर मेळयलो. आर्यन शिरोडकार, हेमंत जयस्वाल, श्रीपत गडवी, स्वयंम नायक, मौमीत नासकर, साईराज गावडे आनी चेतन कुर्टीकारान सर्तींत वांटो घेतिल्लो. श्रेया खांडेपारकार, अर्थव शिरोडकार, हर्ष गावडे, साई गावडे, पूर्वा गावडे हांका उमेद वाडोवपी इनामां दिलीं.
पीटीसीएचो अध्यक्ष सागर साकोर्डेकार इनाम भेटवण कार्यावळीक मुखेल सोयरे म्हणून हाजीर आशिल्ले. ह्या वेळार संदेश नायक, रवींद्र कुर्टीकार, आनंद कुर्टीकार, मिलिंद गावडे आनी प्रदीप देसाय हाजीर आशिल्ले. अंकुश नायकान सूत्रसंचालन केलें.
————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
