भांगरभूंय | प्रतिनिधी
मडगांव: कुडतरींत सेंट अॅन्थोनी कपेला कुशीक दोन मोटारींक उजो लागिल्ल्यान सुमार 13 लाख रुपयांचें लुकसाण जालें. ही घडणूक शेनवारा सकाळीं 5.45 वरांचेर घडली अशी म्हायती उजो पालोवपी दळाच्या कचेरेंतल्या जवानांनी दिली.
वेर्णा आनी स्काॅर्पीयो मोटारी उज्यांत पुराय लासल्यो. हो उजो कोणे तरी अनवळख्यान लावपाक जाय, असो दुबाव आसा. पास्कोल फर्नांडिस हो वेर्णा मोटारीचो धनी जाल्यार स्काॅर्पीयो गाॅडवीन गुदिन्हो हांचे मालकीची आसा. दोगांयनीय घरा मुखार मोटारी पार्क केल्ल्यो.
हे विशीं उजो पालोवपी दळाक म्हायती मेळ्ळे उपरांत तांणी घडणूक सुवातेर धांव घेतली. पूण ते दोनूय मोटारी उज्यांत पुराय लासून गोबर जाल्लो. उजो पालोवपाक एका उदकाच्या बंबाचो वापर केलो.
शिवोलेंत आंब्याच्या झाडाक उजो
शिवोली : बामणवाडाे शिवोली आंब्याच्या झाडाक उजो लागपाची घडणूक घडल्या. ही घडणूक शेनवारा दनपारां घडली. उजो पालोवपी दळाच्या जवानांक हे विशीं म्हायती मेळ्ळे उपरांत तांणी घडणूक सुवातेर धांव घेवन उज्याचेर नियंत्रण मेळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
