किश  गांवकार, कनिश भंडारीक भांगरा पदकांफेन्सिंग चॅम्पियनशीप : पर्वरीच्या  सामंत विद्यालयाचें येस

भांगरभूंय | प्रतिनिधी

भांगरभूंय । खबरां मेज
पणजीः ताळगांव- दुर्गावाडी हांगा गोंय फेन्सिंग असोसिएशनान  आयोजीत केल्ल्या दोन दिसांच्या अखील गोंय राज्य फेन्सिंग चॅम्पियनशीप सर्तींच पर्वरीच्या एल डी सामंत मेमोरियल  विद्यालयाच्या क्रिश गांवकार आनी कनिश भंडारी सेबर आनी फॉयल प्रकारांत भांगरा पदकां मेळयलीं. हेर भुरग्यांनी वेगवेगळ्या गटांत रुप्या आनी कांस्या पदकां मेळयली. प्रशिक्षक अरूण सैनीक विद्यार्थ्यांक मोलाचें मार्गदर्शन केलें.
ही सर्त 12, 14 आनी 16 वर्सा पिरायेचे चले- चलयांच्या गटांत घेतिल्ली. 12 वर्सा पिरायेच्या चले आनी चलयांच्या गटांत फॉयल, इपी, सेबर अशा तीन वेगवेगळ्या प्रकारांत सामंत विद्यालयांतल्या विद्यार्थ्यांनी वट्ट 22 पदकां मेळयलीं. 14 वर्सा पिरायेच्या गटांत तीन वेगवेगळ्या प्रकारांत 12 पदका सिनियर चलयांच्या प्रकारांत 12 पदक मेळयलीं.
12 वर्सा सकयल्ल्या भुरग्यांच्या सेबर प्रकारांत क्रिश गांवकारान भागराचें , नकाश शिरोडकारन रुप्याचें पदक मेळयलें. फॉयल प्रकारात मयांक फडतेक कांस्या पदक, इपी प्रकारांत श्रीरंग दळवीक कांस्या पदक, 14 वर्सां पिरायेच्या चल्यांच्या फॉयल प्रकारांत कनिश भंडारीक भांगरा पदक फावो जालें. सायर मंडळाक रुप्या पदक आनी सेबर प्रकारांत राहुल राठोड आनी कुलदीप भारती हांका कांस्या पदक विभागून दिलें