भांगरभूंय | प्रतिनिधी
15 लाखांचें फर्निचर साहित्य लासून गोबोर
भांगरभूंय । प्रतिनिधी
म्हापशें: काणकाच्या कासा मार्कीस ह्या फर्निचर शो रुमाक उजो लागलो. ह्या उज्यांत घर सजावटीचें व्हड प्रमाणांत फर्निचराचो लासून गोबोर जालो. तातूंत सुमार 15 लाखांचें लुकसाण जालें.
ही दुर्घटणा शेनवारा सकाळीं 8 वरांच्या सुमाराक घडली. घडणुकेची म्हायती मेळटाच म्हापशें उजो पालोवपी दळाचे जवान घडणुकेचे सुवातेचेर पावले आनी वरभरांत उजो पालयलो.
ह्या उज्यांत सोफा, बेडशीट, कदेलां, गादयो आनी हेर घर सजावटी खातीर लागपी वस्तू लासून गोबोर जाल्यो. म्हापशें उजो पालोवपी दळाचे अधिकारी बॉस्को फेर्रांव हांच्या मार्गदर्शना खाला प्रशांत शेटगांवकार, आनंद बांदेकार, दिलीप सावंत, विष्णू नायक, जितेंद्र नायक, तशेंच पिळर्ण दळाचे पी. एन. नायक, डी. ए. गावडे, एस. एस. सावंत, आर, ए. पांढरे आनी बी. डी. शिरोडकार हांणी उजो पालयलो. उजो लागपाचें नेमकें कारण स्पश्ट जावंक ना. शॉर्ट सर्काटाचो दुबाव दुकाम धनयान उक्तायला. हे विशीं उजो पालोवपी दळ वीज खात्या कडेन पत्रवेव्हार करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
