भांगरभूंय | प्रतिनिधी
पणजी: जहांगीर आर्ट गॅलरींत गोंयचे नामनेचे कालिदास सातार्डेंकार हांचें क्वेंटेसेन्स (quintessence)कला प्रदर्शन मुंबयच्या जहांगीर आर्ट गॅलरींत 6 जून ते 12 जून मेरेन चित्र प्रदर्शन भरतलें. ह्या चित्र प्रर्शनाच्या उक्तावण सुवाळ्याक मुखेल सोयरे ह्या नात्यान गोंयचे कला आनी संस्कृती मंत्री गोविंद गावडे हाजीर रावतले.
हांगा पेंटींग प्रदर्शीत करपाची संद मेळिल्ले खातीर चित्रकार संघान कलिदास सातार्डेंकार हांकां परबीं भेटयलीं.
कालिदास सातार्डेंकार हे गोंयचे नामनेचे चित्र कलाकारां मदले एक. गोंय राज्य पुरस्कार, बिंदास आर्ट्सचो आंतरराष्ट्रीय रौप्य पुरस्कार, रंग संगाचो भांगराळो पुरस्कार अशे तांकां खूबशे पुरस्कार फावो जाल्यात. तांचीं पेंटींग्स गोंय, दिल्ली, बांगलादेश, फ्रान्स, इटली, जपान अश्या खूबश्या राष्ट्रीय तशेंच आंतरराष्ट्रीय प्रदर्शनांनी प्रदर्शीत जाल्यांत. कालिदास सातार्डेंकार हांणी गोवा कॉलेज ऑफ आर्ट हांगच्या पद्वी मेळयल्या. ते सध्या सरकारी हायस्कुलांत आर्ट शिक्षक म्हणून कार्यरत आसा. तशेंच आंतरराष्ट्रीय वॉटर कलर सोसायटी (भारत) चे ते मुखेली आशिल्ल्यान वॉटर कलर आर्टीस्टचे असोसिएशनाचे ते अध्यक्ष आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
