भांगरभूंय | प्रतिनिधी
चित्ररथ मिरवणूक होली स्पिरीट ते मडगांव पालिका मार्गार
भांगरभूंय । प्रतिनिधी
मडगांवः मडगांवची कार्नावाल मिरवणूक होली स्पिरीट ते मडगांव पालिका ह्या मार्गार काडटले. हे संबंदीचो थाराव शुक्रारा जाल्ले मडगांव पालिकेचे खाशेले बसकेंत मंजूर केलो. नगरसेवक कामील बार्रेटो हांची कार्नावाल समितीच्या कार्यध्यक्षपदाचेर निवड जाली. सगळ्या नगरसेवकांनी तांकां परबीं दिली.
शिगमो उत्सव मिरवणूक 8 चे 21 मार्च ह्या काळांत जातली, मात अजूव तारीख निश्चीत जावंक ना, अशी म्हायती नगराध्यक्ष दामोदर शिरोडकार हांणी दिली.
नगरसेवक सदानंद नायक, नगरसेवक महेश आमोणकार आनी नगरसेवक कामील बार्रेटो हांणी कार्नावाल मिरवणूक मडगांवां आदल्याच मार्गार जावची, अशी मागणी केली. ह्या मार्गा वयल्यान सत्ताधारी आनी विरोधी नगरसेवकां मदीं वाद जालो. अखेरेक नगराध्यक्ष शिरोडकार हांणी कार्नावाल चित्ररथ मिरवणूक होली स्पिरीट ते मडगांव पालिका मार्गार जावची अशें जांकां दिसता तांणी हात वयर करचे, अशें सांगलें. हे सुचोवणेक सत्ताधारी गटाच्या नगरसेवकांनी हात वयर करून आपलो तेंको दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
