भांगरभूंय | प्रतिनिधी
खेळां आनी युवा वेव्हार खात्यान आयोजीत केल्ले 14 वर्सां पिराये सकयले आंतरशालेय चलयांचे काणकोण पांवड्या वयले टॅनिकॉयट सर्तींत बलराम निवासी विद्यालयान वस्तादपण जोडलें.
सर्तीचें आयोजन श्री मल्लिकार्जुन म्हाविद्यालयाच्या सभाघरांत केल्लें. जैतिवंत पंगडांत उत्कर्षा गांवकार, लक्षिता वेळीप, सुप्रिया यमकार, गीता झोरो, श्रुती वेळीप हांचो आस्पाव आशिल्लो.
चल्यांच्या पंगडाक मात उपवस्तादपणाचेर समाधान मानचें पडलें. पंगडांत क्रिश गांवकार, प्रज्वल गांवकार, वंश गांवकार, विनोद वेळीप, स्वप्नील वेळीप हांचो आस्पाव आशिल्लो.
जैतिवंत पंगडाक शारिरीक शिक्षिका केसर गांवकार हिचें मार्गदर्शन लाबलें. मुख्याध्यापिका सविता तवडकार, शिक्षक वर्गान जैतिवंत पंगडाक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
